Շրթներկը վնասակար է առողջությանը

Շատ կանայք շրթներկի բացակայությունից անվստահ են զգում: Գիտնականների պնդմամբ` կանանց այդ ''վստահության գրավականը'' կարող է առողջական լուրջ խնդիրների պատճառ դառնալ: Ինչպես պարզ է դարձել, շրթներկում առկա նյութերը կարող են հանգեցնել արթրիտի, դերմատիտի, անպտղության ու նույնիսկ սրտի հիվանդությունների:

Մկների վրա անցկացված հետազոտությունից պարզ է դարձել, որ նրանում պարունակվող տրիկտոզան նյութը ու որպես խտանյութ օգտագործվող մյուս նյութերը ծայրահեղ վատ են անդրադառնում սրտի աշխատանքի և հորմոնալ ֆոնի վրա: Կոսմետիկ միջոցներ արտադրող ընկերությունները քննարկել են գիտնականների պնդումը` նշելով, որ հետազոտության ժամանակ օգտագործվել են մեծ չափաբաժնով տոկսիկական նյութեր: Այդ ընկերությունները չեն հերքում, որ շրթներկի բաղադրության մեջ կան վնասակար բաղադրիչներ, սակայն, նրանց պնդմամբ, դա այնքան քիչ քանակով է, որ անհանգստանալու պատճառ չկա: Գիտնականներն ամեն դեպքում խորհուրդ են տալիս սահմանափակել շրթներկի օգտագործումը: Իսկ 16 տարեկանից փոքր աղջիկներին` խստիվ արգելել:

ՄԱՄՈՒԼ.am լրատվականի թղթակիցն այս թեմայով զրուցեց բժիշկ-կոսմետոլոգ Նարինե Թումանյանի հետ: Նա նշեց, որ պնդումը շատ չափազանցված է. օրական կիլոգրամներով օրգանիզմ մուտք գործելու դեպքում միայն այն կարող է բացասական ազդեցություն ունենալ:

Բժիշկը նաև խորհուրդ տվեց ընտրել որակյալ շրթներկ:

Հարցեր, պատասխաններ, մեկնաբանություններ